AHTaren aurka

AHTaren izena aldatzea aldarrikatzen dut. Nire ustez, dagokion izena GHTa izan beharko litzateke.

Zergatik? G-z beterik dagoelako:

-Gezurretan oinarrituta dago; zenbaezinak dira.

-Gizarte zerbitzurako ez dago egina, eliteentzako baizik.

-Gertu dagoena urruntzen du.

-Gure mendi, baso eta soroak txikituko ditu.

-Garesti samarra da (Iruñea-Madril 100euro inguru (?))

-Gutxi erabiliko litzateke (Nafarroan bakarrik %0,6)

-Gastu izugarria da (3.000 milioi Nafarroan, 4.790 biztanleko).

-Garraiatzeko merkantziak ez du balio.

-Geltokirik gabe geratuko lirateke hainbat herritan eta eskualdetan.

-Gasolina gehiago erabiliko genuke Iruñera joateko trena hartzera.

-Galerak ekarriko ditu: bai ekonomikoak, bai sozialak.

-Geografikoki jasanezina da, pasatzen den lekutik suntsitu egiten duelako.

-Gorrotoa sortzen du igarotzen den tokietan.

-Gogaitzen du fauna.

-Gorrarena egiten dute gizartearen iritziarenaurrean.

-Galarazten dizkigute herri galdeketak.

-Guztion artean ordainduko dugu, guztiok ez erabili arren…

Hori bai, badago G bat positiboa:

-Garai berria ireki da udaletxeetan eta jendearen artean. Beraz, azken G-a:

Geldituko dugu!!