Afrika, ahaztua beti

Marokon hondamendi handia eragin du lurrikarak, 3.000 lagun baino gehiago hil dira. Eta, egun gutxira, beste hondamendi bat izan da handik oso gertu, Libian. Daniel zikloiaren ondorioz gutxienez 6.800 lagun hil dira, Derna hirian gehienak. Eta desagertuak, beste milaka batzuk, asko, hala Marokon nola Libian. Horrek ekarri du kontinente ahaztua gure egunkarietako lerroburuetara eta albistegietara. Afrikako egunerokotasuna, baina, hobeto islatzen du egun hauetan izan den beste gertakari batek: Lampedusako irlara egun bakarrean 5.000 migratzaile iritsi berri dira, Afrikatik ihesi, ez lurrikara eta ez zikloi, egunerokoa zaielako hilgarri.