Eguzkiak orain eskuinaldetik argitzen zuen: itsasotik altxatzen zen, behe lainoz jantzia oraindik, eta ezkerraldetik murgiltzen zen itsasoan», dio Coleridgeren Marinel zaharraren baladak Sarrionandiaren itzulpenean. Coleridgek, ordea, balada idatzi eta gero ezagutu zuen itsasoa. Eta ikusi zuenak dezepzionatu egin zuen. Salgarik ez zituen Po ibaiko bateltxoak baino ezagutzen, ez zen sekula Italiatik irten, baina Sandokanek ederki ezagutzen zituen Malasia eta Indiko Ozeanoa. Patrick O'Brian, itsas nobela aparten egilea, itsasoan ibili gabea zen, harik eta behin, irakurle aberats batek bere yatera gonbidatu zuen arte; espero zitekeen bezala, ontzira igo bezain aise, popa-bistan gelditu ziren idazlearen ezjakintasuna eta trebezia falta. Txomin Agirrek ez zuen Urbiara joan beharrik izan(neskameak ematen omen zion hango berri), Garoa idazteko.
Irudimena belazeak eta itsasoak baino zabalagoa omen…
Hitz beste
Popa-bistan
Iruzkinak
Ez dago iruzkinik
Ordenatu