Estatubatuarrek euskara baliatu omen zuten, kode sekretu gisa, bigarren mundu gerran. Bai, noski, argi dago, euskarak baditu bere abantailatxoak ere. Trapukeriarako aukerak, esan nahi dut. Euskararen hesiak, euskararen hermetismoak, euskararen ghetto egoerak aukera aparta eskaintzen digu: ulertzen ez digutenez, etxekoentzat gauza bat esan dezakegu, eta gero, erdaratan, gauza horixe dekoratu, apaindu, baltsamatu, zuritu. Euskaraz dakiten politikariek askotan praktikatu duten jukutria da. Ez dute, ordea, horren patrimonioa. Praktikatu ditugu jokabide berdintsuak beste hainbat alorretan ere. Kulturan, gehiegi urrutiratu gabe.
Batzuek pagotxa deitzen diote horri. Etekina ateratzen jakitea. Ez dut aukeraren mauka ukatuko. Niri, ordea, Randolph Scott-en Legerik gabeko hiria filmeko esaldi hura gogorarazten dit: «Batzuetan pala bat bezalakoa da hizketa: bere hilobia zulatzen du».
Pagotxa ote den
Iruzkinak
Ez dago iruzkinik
Ordenatu
