Txisteak

Gogoan dut, orain urte asko, akaso ni oraindik, euskaldun gabe, miren abertzaliñe hutsa izanen nintzen garaian, biziki haserretzen nindutela Irene Villaren inguruko txisteek. Moda bat egon zen, eta hagitz jendek errepikatu eta zabaltzen zituen, eta, nire—orduko— harridurarako, bereziki lagun demokratenen artean. Ez zitzaidan buruan sartzen. Egunotan sentsazioa berritu zait gero eta txistetegi itxura handiagoa duen Twitterren irakurri ditudanean Vox alderdi —ez dakit nola kalifikatu topoideologikoki— berriko sortzaileetako batek, ETAren biktima hori ere, eragin dituen txisteak, zulo batean pasatutako 532 egunei erreferentzia egiten dietenak.

Egia esan, ez da behar alderdiaren kontra aritzeko (dena den, poz-pozik gaude denok, ezta?, eskuinaren zatikatzearekin) inork txisterik sortzerik (in personam egindakoek ez dute justifikaziorik), haren agintariak ongi arduratu direlako aurkezpen egunetik beretik umorearen presentzia bermatzeaz. Espinosa de los Monteros alderdiaren sortzaileetako batek adierazi du PPk ezkerreko, are ezker muturreko, politikak egiten dituela. Pentsa ezazue non kokatzen gaituen, zaituzten eta nauen, horrek gu. Halako superheroi komunista batzuk, Marthoz mariskala egiten gaitu.