Ez dakigu oraindik nola esango dioten euskaraz Espainiako Gobernuko lehendakariorde Yolanda Diazek eta bere ingurukoek sortu berri duten hauteskunde egiturari. Sumar izena jarri diote, euskarara literalki itzulita —batu, gehitu...— bildutik oso urruti geratuko ez dena. Antzeko asmoa adierazten dutelako sumar eta bildu hitzek, gaztelaniaz lehenak eta euskaraz bigarrenak. Badute non jo Yolanda Diaz Espainiako eskuinak eta horren bozgorailuek: Sumar = Bildu.
Espainiako pasaportea daukagun euskal herritarrek kezkaz begiratzen diegu Espainiako hurrengo gobernua aukeratzeko berandu baino lehen egingo diren hauteskundeei. Oso gehiengo justua dauka Pedro Sanchez presidente sozialistak, eta orain arteko iragarpenen arabera ez ditu irabaziko hurrengo hauteskundeak. Sanchezek presidente segitzeko, gobernua osatzen duten bi alderdiek lortu behar dituzte emaitza onak. Sozialistek irabaztea ezinbesteko daukatelako —Espainian, aukera edukita ere, ez da galtzailea inoiz Moncloara iritsi, eta orain arte Podemos izan denaren ondorengo Sumar-ek, gehiengora hurbiltzen laguntzeko.
Erraz erortzen da abstentziora eramaten duen etsipen politikoan Espainiako ezkerra, maiz arrazoi guztiarekin. Egoera horretan dago orain, nonbait, eta hortik ateratzeko edukizko pizgarriak behar ditu, eta egiturazkoak.
HIZPIDEAK
Sumar eta Bildu
Iruzkinak
Ez dago iruzkinik
Ordenatu
