Gehienok behar baino denbora gehiago ematen dugu pantaila aurrean. Erraz salto egin daiteke eduki batetik bestera, eta garai batean nahi gabe iragarkiak ikusten amaitzen genuen moduan, orain mezu arriskutsuak entzuten ditugu. Batetik, autolaguntzarako kanalak daude leku guztietan. Edonork egin dezake psikologoarena. Geure burua geuk eraiki behar dugula esaten digute, nahi izatea nahikoa dela gauzak lortzeko, bakarrik iritsi gaitezkeela edonora. Gezurra da. Gezurra da eta jende askok dirutza gastatzen du psikologia fakultatea non dagoen ere ez dakien ustezko terapeuten aholkuak jarraitzeko. Beste batzuek, nola aberastu behar dugun esplikatzen digute. Hori baino larriagoa dena, 100.000 euro baino gehiago balio ez duen kotxea daukagun guztion bizitza frakaso bat izan dela esaten dute. Ez dakit zergatik, baina jende askok hori nahi du, haiek adina diru izan nahi du zoriontsu izateko. Argaltzeko mirariak ere saltzen dituzte sareetan. Hanka azpian ipintzeko partxeak ikusi ditut, zilborrean jartzeko elektroestimulagailuak, pilulak... Jende askok erosten ditu.
Umeengatik esaten dugu, baina geu ere sartzen gara burua kutsatzen diguten mezuotan. Etengabe agertzen dira. Gero eta argiago daukat pantailak itzali behar genituzkeela, baina zein zaila den behin hor sartuta zaudenean.
BIRA
Itzali ezin
Iruzkinak
Ez dago iruzkinik
Ordenatu
