Eusko Legebiltzarreko kontrol bilkuran, Arantza Tapia, Ekonomiaren Garapena eta Azpiegituretako sailburuak, Hegoaldeko Trenbide Saihesbidearekin lotuta, Legebiltzarrean informatu zuen bere departamenduak, "alegazio horiek jasotzen dituen beste azterlan informatibo bat" idazteko asmoa zuela -2015eko azaroan Sustapen Ministerioan aurkeztuta eta publikatutakoak-, "eta gainera, azterlan informatibo berri horrekin, fase berri bat zabaldu dadila alegazio berriak egin ahal izateko" (*).
Informazio hau, Elkarrekin-Podemos taldeko Becerra jaunari eskertu behar diogu, interpelazioaren egileari. Eguzki Barakaldotik hainbat erreakzio sorrarazi dizkigu.
Alde batetik, Euskal Administrazioak etxerako lanak ondo egin izanaren desioa daukagu, eta azterlan osatu bat aurkez dezala. Azterlan honek, hain inbertsio publiko altu honen justifikazio sozio-ekonomikoa beharko luke (1. fasearen azterlan informatiboaren erredakzioa gehi 2.fasearen azterlanek 500 milioi ingurura hurbiltzen dira). Eta alternatiba posible guztiak merkantzia guztiak Bilboko Portutik atera daitezen. Bi arlo hauek, Ministerioak aurreko dokumentuan ahaztuak zituen… Portuan merkantzia mugimendua handiagoa "espero da” ez digu balio. SuperSur errepidea eraikitzeko berdina egin zuten, gaur egun, burugogorkeria apetatsu baten adibidea.
Bestalde, beti ere obra honen beharra datuekin kontrastatu daitekeen bitartean, ez zaigu gogorik falta eta ziur eduki alegazioak aurkeztuko ditugula, azpiegitura honen ibilbideak gure inguru naturala, landaredia eta fauna, ahal den maila altuenean zaindu ditzan eta bizilagunei traba gutxi izan diezaion (inpaktu bisuala eta kutsadura akustikoa), 0 mailatik gertuen geratu daitezela.
Logikoki, lan honetan oso kontuan izango dugu lindane zeldarekin izan dezakeen gertutasuna eta galzorian dauden espezien arriskua: arrain hiruarantza, bisoi europearra, Schreiber muskerra, saguzarrak eta kobazuloetakoa, beste batzuen artean.
Halaber, Serantes-Barakaldo lehen fasearen burutzearen lehen planteamenduan kritika sorrarazten du (dirudienez, Olabeaga ibilbidetik libre uzteko erabakia hartu dute, azterlanaren arabera), bigarren fasea noiz hasiko den jakin gabe (Barakaldo-Basauri), negoziazio baten menpe daude eta jakin gabe zeintzuk izango diren Espainiako Gobernuarekin izango dituzten harremanak. 2023ari buruz hitz egiten dute, epeak milimetrikoki betetzen badira… eta guztiok badakigu gai hauek nola burutzen diren.
Tapia andereak bere hitzaldian onartzen duen bezala, "lehen fasea gauzatuta eta bigarrena amaitzen den bitartean, Barakaldoko herrian sortu ditzakegun kalteak, uztartu beharko ditugu, tren trafikoa handituko delako” (*).
Beste hitz batzuekin esanda, Bilboko Portuaren eta C1 aldiriko linearekin (Abando-Santurtzi) behin-behineko konexio bat uztartzea da C2 linearen bidez (Abando-Muskiz). Horrela, denbora guzti honetan, Barakaldok ez du soilik Portutik edo Portura doan gaur egungo merkantzia trafikoa jasango, baita ere ACBtik datozen trenak eta helmuga bezala Bilboko Portuak dituztenak gehitu beharko dira. Santurtzirekin duen zuzeneko lotura murriztuta geratuko da. Herri honetako alkateak bere agintaldiko lorpen handi bezala iragarri du trenbideak okupatzen duen lurzoruaren berreskurapena.
Bitartean, mandatari barkaldarra, Amaia del Campok, beste alde batera begiratzen du, “autismo soziala” maisuki beteaz. Sailetik Ezkerraldeko herriak merkantzia zirkulaziotik eta sortzen dituzten eragozpenetatik libratzeaz. Bai, Barakaldo eskualdetik “erbesteratu” dutela ematen du.
Legebiltzarrean emandako informazio berri honetan, kategoria ofiziala ematen diona, Gobernu jeltzalearen erantzuna hau da: “ez dago berririk”. Hilabete guzti hauetan zehar, Gobernua “koldarra” dela pentsatu dezakegu, barakaldatarrei ezin izan dienez perla ederrik “saldu”, burua ezkutatzen du ostruka bailitzan.
Kontu hau ez da berria. Y-aren eraikuntzan, EAJk gizartearen gaitzespenari pertseberantzia eta iragaiztasuna baino ez dio erakutsi, bere “perretxikoak” euskal geografian zehar banatua, eta 20 urte berdinari buruz hitz eginda ere, ez da ezertxo ere gertatzen diseinua desfasatzen bada eta ez bada orain hamarkada bat onartutako europar segurtasun araudiari egokitzen. 50 milioko gain kostua duten tunel berriak egiten dira eta listo!
AHT moduko eraikuntza entzutetsuan batean hori “ahazten” bazaie, zer ez dute ahaztuko Supersur trenbideko obran? Eta gero harritzen dira jendeak ez duelako konfiantzarik instituzioengan eta hauen ordezkariengan?
2017ko ekainaren 27an
(*) 2017ko ekainaren 16an Eusko Legebiltzarreko Kontrol Sesioko zirriborrotik ateratako transkripzioak
