Urriaren 2an Gizarte Hezkuntzaren Nazioarteko Eguna ospatzen dugu. Gizarte Hezkuntza izaera pedagogikoko lanbidea da, eta herritarren ongizatea ahalbidetzea du helburu, pertsonen bizi-kalitatea hobetuz, batez ere zaurgarritasun egoeran eta desabantaila sozialean dauden pertsonen bizitza hobetuz, pertsona horiek modu berezian entzun, artatu, ulertu eta tratatuak senti daitezen ahalbidetuz, bizitza-istorio propioak dituzten pertsona gisa.
Gizarte Hezkuntza, bere historia gaztean, boluntariotza-mugimenduetatik eta gizarte-pedagogiatik sortutako diziplina, 80ko hamarkadaren hasieran eta amaieran lanbide emergentea izatetik Espainiako Estatuko gizarte eta hezkuntza arloko esku-hartzean erreferentziazko lanbidea izatera pasatu da. Egun, 40 unibertsitatek baino gehiagok urtez urte gure ongizate-sistema ahalbidetzen duten zerbitzu, programa, proiektu eta baliabide askotako profesionalak prestatzen dituzte. Gure ongizate-sistemak konkista sozialen multzo bat biltzen du, eta horien gainean eraiki zen gaur egun Europako eredu sozial gisa ezagutzen duguna, justizia soziala sustatzean eta eskubide sozial unibertsalak betetzean oinarritzen dena.
Gaur egun, gizarte arloko eta hezkuntza arloko profesional hauek gure komunitateetako eta udalerrietako zerbitzu, programa, proiektu eta baliabide askotan lan egiten dute, eta nabaria da gizarte-zerbitzuen eremuan duten presentzia. Baina baita beste eremu batzuetan ere, hala nola aisialdian, osasunean, justizian, genero-berdintasunean edota etxebizitzan. Halaber, ongizate-estatuaren konkista sozialei zuzenean erantzuten dieten hirugarren sektore sozialeko eta administrazioko erakundeen sare osoaren funtsezko zati bat osatzen dute, tratu hurbil, gizatiar eta profesional baten bidez. Gizarte eta hezkuntza lanbide honek martxan daramatzan 25 urte baino gehiago hauetan, erakutsi digu, 80ko hamarkadaren amaieran sortutako esentzia eta izaera sakrifikatu gabe, bere nortasuna gure gizarteak erakutsi dituen beharrizan berrietara egokitzen jakin duela, eta, aldi berean, ezagutza berriak sortzeko estrategia propioak ezartzen jakin duela, gizartearen erronka berriei aurre egin ahal izateko.
Eta urriaren 2 honetan, Gizarte Hezitzaileen Elkargoak (GHEE-CEESPV), Euskal Herriko Unibertsitateak (EHU) eta Deustuko Unibertsitateak, elkarrekin lan egiten duten guneetako batetik, Gipuzkoan eta Bizkaian hainbat jarduera programatu dituzte egun osoan, urtez urte edusoday estatuko gainerako autonomia-erkidegoetan egiten den bezala, urtez urte egun hau ikusarazten jarraitzeko #edusoday.
Gipuzkoan, 09:00etatik aurrera, EHUko Hezkuntza Fakultatean, bere campusean bertan, ikasleekin batera hainbat tailer egingo dira, eta arratsaldean mahai-inguru bat egingo da, 17:00etan, EHUko Carlos Santa Maria Zentroko Auditorioan. Mahai-inguru horretan, Gizarte Hezkuntzak egungo munduan eragiteko zer aldaketa behar dituen eztabaidatuko da. Baita Bizkaian ere, goizeko 09:00etan, BilboRock aretoan, hainbat jarduera eta eztabaiden bitartez, XXI. Mendeko Gizarte Hezitzaileak lelopean.
Era berean, aipatu behar da laster jardunaldi batzuk egingo direla ikastetxeetan Gizarte Hezkuntzak daukan egitekoari buruz: azaroaren 8an Gasteizen. Jardunaldi hori Euskadin Gizarte Hezkuntza Gradua ematen duten unibertsitateek, Euskadiko Gizarte Hezitzaileen Elkargoak, Euskadiko ikastetxe publikoetako zuzendarien federazioak eta Kokuk erakundeak antolatu du.
Aitor dezagun, ikusaraz dezagun Gizarte Hezkuntza, eta eman diezaiogun balioa!
