Geroa Baik salatu du PSNk gobernutik kanpo nahi dituela
Geroa Baiko parlamentari Pablo Azkonak ohartarazi duenez, Nafarroako Gobernua osatzeko negoziazioetan PSNk mahai gainean jarri dien azken proposamenean eurek kontrol handiagoa izan nahi dute: «Maiatzean nafarrek eman ziguten boto kopurua (43.660) ez dator bat PSNk egindako azken proposamenean izan nahi duen kontrol organikoarekin eta ekonomikoarekin». Geroa Bairi erantzunez, Maria Txibite PSNko presidentegaieta Nafarroako Gobernuko jarduneko lehendakariak azaldu du «malguak» direla eta edozein proposamenek bere erantzuna izan dezakeela: «Ados jartzera behartuta gaude, eta PSNk eskuzabal jokatuko du akordioa erdiesteko».
Iruzkinak
Ez dago iruzkinik
Ordenatu