Ke zuria atera da Bilboko Zorrotza auzoko Profersa lantegi kimikoan —ongarriak egiten ditu— piztu den sutik. Hura itzali eta kontrolpean eduki arte, etxe barruan babesteko deia egin du SOS Deiak-ek, ateak eta leihoak itxita.
Zorrotza, Basurtu eta San Ignazio auzoetako bizilagunak mobilizazioak egiten ari dira herri ingurutik lantegi kimikoa eramateko eskatuz. Izan ere, hau ez da istripu bat gertatzen den lehen aldia; apirilaren 26an gertatu zen azkena.
