Zornotzako erasoekin lotutako azken atxilotua espetxeratzeko agindu dute

DURANGO. Guardia Zibilak mutil bat atxilotu zuen igandean Medina de Pomarren (Espainia), Zornotzako (Bizkaia) erasoarekin lotura zuelakoan. Ertzaintzaren esku utzi zuen, eta, Durangoko Auzitegian deklaratu ostean, espetxeratzeko agindu du epaileak. Auzi horrekin lotuta atxilo hartutako hamargarrena da. Uztailaren 25ean, Zornotzan, 23 urteko gazte bati bortizki eraso zioten, eta oso larri dago oraindik.