Zezenketen aurkako manifestazioa antolatu dute Donostian hilaren 14rako

DONOSTIA. Donostia Antitaurina Orain, Eguzki eta Askekintza elkarteek manifestaziora deitu dute abuztuaren 14an, zezenketak bertan behera uzteko eskatzeko. Bulebarretik irtengo da martxa, 18:00etan. Eguzki talde ekologistako kide Itziar Alonsok gogoratu duenez, udalak 2017an egindako inkesta baten arabera, donostiarren %71k ez dute nahi baliabide publikoak jartzea zezenketak egiteko.