Zenbait migratzaileri muga zeharkatzen lagundu diete, mozorrotuta

IRUN. Ehun mugimenduak deituta, hainbat lagunek mozorrotuta pasatu zuten atzo muga Irunen (Gipuzkoa), eta, modu horretan, Afrikatik iritsitako zenbait laguni muga zeharkatzen lagundu zieten. Baionako Pausaraino eraman zituzten. «Lehen burujabetza ekintza» gisa izendatu zuen Ehunek. «Herritartasuna emateko gure eskubidea eta gure herrian libre mugitzeko eskubidea jarri ditugu praktikan».