Bizkaiko Probintzia Auzitegiak zazpi urte eta erdiko kartzela zigorra ezarri dio emakume bati, senarra hiltzeko gizon bat kontratatu zuelako. Epaileak ebatzi duenez, emakumea «erailketa delitu baten beharrezko laguntzaile» izan da, «saiakuntza graduan eta ahaidetasun astungarria» duela. 2023ko urtarrilaren 13an gertatu zen, eta gizona zauritu egin zuten.
Emaztekiak kontratatutako gizonari, berriz, sei urteko kartzela zigorra ezarri diote, «erailketa delitu baten egile gisa, saiakuntza graduan». Horrez gain, bi zigortuek 1.025 euroko kalte ordaina eman beharko diote biktimari, «eragindako lesio fisikoengatik»; emakumea hamabortz urtez ezin izanen da biktimarekin harremanetan jarri, eta eta bertze zigortua, berriz, hamabi urtez; debekatua dute harengandik mila metro baino gutxiagora egotea.
Epaiaren arabera, emakumeak bertze zigortuaren zerbitzuak kontratatu zituen «senarra hil zezan 4.000 euroko prezioan». 2023ko urtarrilaren 13an saiatu ziren hori egiten, baina biktimak erasotzaileari aurre egin zion. Epaia irmoa da.
