Vallsen inguruko polemika handituz joan da Frantziako prentsan

Atzo, Le Monde egunkariaren webgunean gehien partekatutako artikuluetan bosgarrena zen Martini buruzkoa; eta Liberation-en,artikulu irakurrienetan seigarrena. Le Figaro-n, webguneko ataria Martinen argazkiarekin zuten. Paris Match-en , Aurore Martin, euskal pasionaria baten ibilbidea zen artikuluaren izenburu. Oro har, atxiloketei buruzko galderei erantzuten zuten artikuluetan, eta horren alde politikoa jorratu. Atxiloketaren aurkako kritikei ere tarte handia eman zieten, eta Valls Frantziako Barne ministroaren inguruan «polemika» hantzen ari dela azpimarratu. Gaur, Sud Ouest-ek elkarrizketa bat dakar Vallsekin. Han dio berak ez duela erantzukizunik operazioan, Justizia Ministerioarena dela.