36. greba eguna da jada, 2019an sektorerako lehen hitzarmen probintziala lortzeko borroka hasi zutenetik. Laugarren greba eguna izango da, aurtengo apirilean ELAk eta LABek negoziazio dinamika berri bati ekin ziotenetik. Bi sindikatuek jakinarazi dutenez, aurreko negoziazio mahaian beren aldarrikapenak proposatu ondoren, ekainaren 28an patronalak egin zuen proposamena ez zen nahikoa izan, «agerian utzi baitzuten sektoreko langileak prekaritatean iraunarazi nahi dituela».
Sindikatuek adierazi dute borrokan jarraituko dutela sektoreko baldintzak hobetuko dituen hitzarmena lortzeko, eta patronalari eta administrazioei eskatu diete, beste behin, prozesuan inplikatzeko.