Unibasqek Euneiz unibertsitatearen lau graduen aldeko txostenak egin ditu

GASTEIZ. Gasteizen irailean ireki asmo duten Euneiz unibertsitate pribatuak beste urrats bat egin du: Eusko Jaurlaritzaren Unibasq Euskal Unibertsitate Sistemaren Kalitate Agentziak baiezkoa eman die eskaini nahi dituzten lau graduei. Behin baimen hori izanda, datozen egunetan irekitzeko eta martxan jartzeko baimena eskuratzea espero dute, eta horrekin nahikoa izango dute eskolak ematen hasteko.