Bart iluntzean, 63 urteko txirrindulari bat hil zen Etxaurin (Nafarroa), auto batek harrapatuta. Nafarroako larrialdi zerbitzuek 19:46an jaso zuten istripuaren berri, eta anbulantzia bat, Orkoiengo (Nafarroa) mediku talde bat eta foruzainak bidali zituen istripua gertatu zen lekura, NA-7110 errepidean. Han aurkitu zuten gizona, larri zauriturik, eta hura berpizten saiatu ziren, baina bertan zendu zen.
Gorpua Nafarroako Medikuntza Legaleko Institutura eraman zuten, autopsia egiteko. Foruzainak zer gertatu zen ikertzen ari dira.
