Txillardegiri ez diote emango Urrezko Plaka

DONOSTIA. Gipuzkoako Urrezko Plaka Jose Luis Alvarez Enparantza Txillardegi-ri emateko eskaera Batzar Nagusietara eraman zuen EH Bilduk, eta erakunde horrek baztertu egin zuen atzoko osoko bilkuran. Hala ere, EAJren zuzenketa bat onartu zuten, eta hautagaiaren merezimenduak eta zirkunstantziak aztertzeko proposamen bat jaso dute hartan. EAJk,PSE-EEk, PPk eta Elkarrekin Podemos-IUk kontrako botoa eman zuten. «Zatiketa» bilatzea egotzi zion EAJk EH Bilduri, eta hark ukatu egin zuen.