Tuterako Hizkuntza Eskola Ofizialeko murrizketak salatu dituzte Iruñean

IRUÑEA. Euskararen Defentsarako Sarea aurkeztu zuten atzo iluntzean Iruñean, Nafarroako Hezkuntza Departamentuaren egoitzaren aurrean. Aurkezpena baliatu zuten, orobat, sarearen lehen mobilizazioa egiteko: Tuterako Hizkuntza Eskolan euskarazko taldeak erdira murriztu izana salatu zuten. Euskara taldeak seitik hirura gutxitu dituzte han. Euskara ikasi nahi dutenen aurkako erasoa ez ezik euskaltzaleen adostasunaren kontrakoa ere badela deitoratu zuten.