54 urteko emakume bat hil da gaur Aragoiko Pirinioetako Gorizko mendi aterpetik gertu, Fanlo udalerrian (Espainia). Guardia Zibilak adierazi duenez, harri batek buruan jo du Tafallako (Nafarroa) mendizalea.
Ezbeharraren berri 14:00 aldera izan dute, eta Boltañako Erreskate eta Esku-hartze Taldea, Benasqueko Aire Unitateko kideak eta mediku bat bertaratu dira eremura. Haiek, baina, ezin izan dute ezer egin, eta emakumearen gorpua Zaragozako Auzi Medikuntzako Institutura eraman dute.
