Sumar-en igandeko ekitaldian izango da Nafarroako Podemoseko ordezkaritza

IRUÑEA. Begoña Alfaro Nafarroako Contigo Navarra-Nafarroa Zurekin-eko koordinatzailea Yolanda Diaz Espainiako Gobernuko presidenteorde eta Podemoseko diputatuaren igandeko ekitaldian izango da, Madrilen; Pilar Garrido Elkarrekin-Podemos-IUko EAEko koordinatzailea, ez, baina akordioaren alde lanean ari dela esan dute. Espero da Diazek igandean aurkeztea Espainiako Gorteetarako hauteskundeetarako bere hautagaitza. Podemoseko zuzendaritzak, Jone Belarra buru dela, Diazen ekitaldian ez egotea hobetsi du oraingoz, aurrez ez badago idatziz primario ireki batzuk egiteko akordiorik.