Sortu zen tokian, Bilboko Correo kalean, gogora ekarri dute 'Eguna' egunkaria

BILBO. Correo kalean batu ziren atzo hainbat agintari eta kultur ordezkari, Bilboko Udalak Eguna egunkaria gogora ekartzeko antolatu zuen omenaldi batean. Ez zuten ustekabean hautatu tokia: egunkariaren sorlekua hantxe egon zen, eta oroigarri bat ipini zuten oroitarazteko. Euskarazko lehen egunkaria izan zen, orain dela 80 urte sortua; aski giro zailean jardun zuen, sei hilabetez, 36ko gerraren gordinean.