'Sorionekuak' mobilizaziora deitu du Kontseiluak

IRUÑEA.Sorionekuak, euskara nafar guztiona egitasmoak herri mobilizazio bat eginen du ekainaren 10ean, 17:30ean, Iruñean. Euskalgintzaren Kontseiluak atxikimendua eman dio egun osoko egitasmoari, eta mobilizazioan parte hartzeko deia egin du. Kontseiluak erran du euskararen ofizialtasunak «inori eskubideak kendu bainoago, ez dituenari aitortzen» dizkiola. Hala, adierazi dute euskaraz bizi nahi duten herritarrak direla, baina egunero hamaika traba aurkitzen dituztela. Oztopo horietako bat da zonifikazioa, zeinaren ondorioz «Nafarroako eremu handienean bigarren mailako herritar» bihurtzen diren; hortaz, «ardura politikoa» eskatzen dute.Egitasmoak «herritar guztien arteko berdintasuna bermatu eta harrotasuna zabaltzeko deia egiten» duela azpimarratu dute.