IRUÑEA. Nafarroako Justizia Auzitegi Nagusiak baliogabetu egin zuen Skolae hezkidetza proiektua herenegun, baina Nafarroako Hezkuntza kontseilari Carlos Gimenok jakinarazi du gobernuak Espainiako Auzitegi Gorenera joko duela sententziaren aurka, eta, hortaz, Gorenaren epaia iritsi arte Skolae proiektuarekin jarraituko dutela. «Ordura arte epaia ez da irmoa izango», azaldu du. Beste 26 eskolatan ezarriko dute programa irailetik aurrera.
Helburua «kultura berdinzalea bultzatzea» eta indarkeria sexisten aurkako kontzientziazioan lana egitea da. Eskuineko sektoreek, ordea, irmo jo dute egitasmoaren aurka, umeak «doktrinatu» nahi izatea leporatuta. Halere, Gimenok «babes osoa» adierazi dio programari.
Skolae hezkidetza proiektuak aurrera egingo du Nafarroan
Nafarroako Auzitegi Nagusiaren sententziaren aurkako helegitea jarriko du gobernuak, Gimenok azaldu duenez
Iruzkinak
Ez dago iruzkinik
Ordenatu
