Errusian garatu duten txertoa aztertzen hasi da Sendagaien Europako Agentzia: Sputnik V deitua. Segurtasunaren, eraginkortasunaren eta kalitatearen "azterketa jarraitua" egingo duela jakinarazi du. Txertoak %92ko eraginkortasuna duela baieztatu du The Lancet aldizkariaren artikulu batek. Agentziak txertoari oniritzia ematen badio, litekeena da Europako Batasunean banatzeko era egitea.
Gaur kaleratutako agiri batean baieztatu du agentziak txertoa aztertzeko pausoa eman duela. Adierazi du erabaki hori hartu duela txertoa garatu duen botika etxeak agentziara bidalitako laborategiko azterketen eta ikerketa klinikoen emaitzak aztertu eta gero. Informazio hori Herbehereetan egiaztatzen ari dira orain, Amsterdamen.
