SARIA GALLASTEGIRI ETA ETXEBERRIARI

Eusko Ikaskuntza-Laboral Kutxa sariak jaso dituzte Mari Carmen Gallastegi eta Francisco Etxeberria unibertsitate irakasleek. Atzo egin zuten sariak emateko ekitaldia, Donostiako Miramar jauregian. Gallastegik ekitaldia baliatu zuen seinalatzeko Ikerbasquek ezin duela Euskal Herriko Unibertsitatearen «kontrolpean» egon, horrek kontratazio politikan eragingo lukeelako. Etxeberriak, berriz, erakunde publikoei babesa eskatu zien zientzia eta kultura sustatzeko.