Saria elkarlanean egindako zientziari

Evgeni Txulkov EHUko Materialen Fisika Saileko katedradunak jaso zuen atzo 2018ko Euskadi Ikerketa saria. Txulkovek nabarmendu zuen elkarlanak garrantzi handia duela zientzian. «Ikerlari bat bakartuta geratuko da bakarrik lan egiten badu». Epaimahaiak goraipatu du sarituak hemen bertan sortu duela materia kondentsatuaren fisika teorikoan nazioartean erreferente bilakatu den ikertaldea. Iñigo Urkullu Eusko Jaurlaritzako lehendakariak adierazi zuen banakako lana ez ezik «ekarpen kolektiboa» ere saritu dutela.