Sara Majarenas. Fisioterapeuta

Gaztetatik ezker abertzaleko kide izan da Sara Majarenas (Donostia, 1980). Jarrai gazte antolakundean aurrena, klandestinitatean ondoren, espetxean, eta gaur egun ere militantzian ari da. Fisioterapeuta ere bada, ordea, eta joan den apirilean aske gelditu zenetik ari da ofizio horretan lanean. Aske gelditzeko urtebete falta zuela, bikotekide ohia bere alaba Izar hiltzen saiatu zen. Oihartzun handia izan zuen kasuak, eta, ama-alabak bereizi beharrean, Alcobendasko (Madril, Espainia) zaintzapeko etxe batera lekualdatu zituzten. Zigorra, ordea, osorik bete zuen, eta, azken urtean, erakundeen aldetik ere indarkeria matxista jasan duela salatu du.