Sandra Barrenetxea. Berdintasun teknikaria

Egun, Andoaingo (Gipuzkoa) berdintasun teknikaria da Sandra Barrenetxea (Bilbo, 1975). Aurretik, ordea, ezker abertzaleko militantea izan da, eta birritan atxilotu dute ETAko kide izatea leporatuta—2006an eta 2010ean—. Bietan salatu ditu torturak, baina ezagun egin zen azken atxiloaldiko torturen eta sexu abusuen salaketa epaitegira ailegatu zelako. Irain matxistak egin, bortxaketarekin mehatxatu eta ukituak egin zizkiotela salatu zuen. Iaz izan zuen epaiketa torturatu zuten guardia zibilen aurka, eta, epaileak absolbitu bazituen ere, «zama handi bat» kendu zuen gainetik. Erreparazioa eskatu du.