Sanjoanak askotarikoak dira Euskal Herrian, baina sua da denetan protagonista. Horregatik, aukera zabala dago festa hauek nahi bezala ospatzeko. Hernanin esaterako, Akelarrea egin zuten atzo. Sorginek eta apaizek inkisizioaren garaiak antzeztu zituzten eta akelarre batekin amaitu zuten.
Tolosan desfilea zegoen goizean goiz, eta milaka pertsona bertaratu ziren. Pausu garrantzitsua izan zen atzokoa, lehen aldiz, emakumeek parte hartu baitzuten bordon dantzan.
[Youtube]http://youtu.be/PORKtY4xnK4[/Youtube]
San Joan Sua saguesen, Donostia.
Sakanako festak Arbizuko sanjoanak hasi zituzten. Herriko neskek uzta oparoa eskatu zuten, sanjoan kanta abestuz, eskutik helduta eta soineko tradizionalak jantzita. Irurtzunen ordea, suak pertsonaia mitologikoak esnatu zituen, eta joaldunen musikaren laguntzaz herriko plazan dantzan aritu ziren.
Batzuetan hiru egun eta besteetan aste osoa. Batzuetan erromeriak eta besteetan musika elektronikoa. Baina egun batzuetan, suak festa piztu du Euskal Herrian zehar.
