Roman Sudupen San Markos Mankomunidadeko presidente kargua uztea erabaki duela eta, hiru puntuko adierazpena argitaratu du Gipuzkoako Foru Aldundiak.
Hasteko, Suduperen erabakia koherentea dela esan dute. "Donostiako alkatearen jarrera San Markos Komunitateko erabakiak sistematikoki ez betetzea dela ikusita".
Bigarrenez, Donostiako Alkate Odon Elorzaren jarrera salatu nahi izan dute, beraien iritzian, "aldebakarrekoa, elkartasunik gabea eta biziki boikoteatzailea" delako, "zaborren arazo hain garrantzitsuaren aurrean".
Azkenik, zera gogorarazi nahi izan dute: "prozesu argi, garden eta partehartzailea izan ondoren, Gipuzkoako Hiri Hondakinak Kudeatzeko Plan Orokorra Gipuzkoako Mankomunitate guztiek onartu dutela".
Amaitzeko, esan dutenez udal eta mankomunitateekin elkarlanean aritzeko "orain arte egin duen bezala", beti egongo dira prest, "Gipuzkoako hiri hondakin solidoen kudeaketaren arazo larria erabakitzeko, Hondakinen Plan Orokorrean oinarrituta".
errauste plantak
Roman Sudupek San Markos Mankomunitateko presidente kargua utzi du
Gipuzkoako Foru Aldundiak jakinarazi duenez, Roman Sudupek San Markos Mankomunitateko presidente kargua utzi du. Gipuzkoako Foru Aldundiari "erabaki koherentea" iruditzen zaio Suduperena, "Donostiako alkate Odon Elorzaren jarrera San Markos Mankomunitateko erabakiak sistematikoki ez betetzea delako". Elorzaren "jarrera aldebarrekoa" salatu dute, eta Aldundiak mankomunitateekin elkarlanean jarraitzeko asmoa duela azaldu dute, "Gipuzkoako hiri hondakin solidoen kudeaketaren arazo larria erabakitzeko".
Iruzkinak
Ez dago iruzkinik
Ordenatu
