PRIBATIZAZIOAREN AURKAKO PROTESTA

Espainiako Gobernuak Gasteizen duen ordezkaritzaren aurrean protesta egin zuen atzo LAB sindikatuak, Forondako aireportuan egingo dituzten murrizketak direla eta. Salatu dute gobernua hegazkin sektorea pribatizatu nahian dabilela, Forondatik hasita. Horren harira, esan dute aireportuak, galerak ekarri ordez, irabaziak sortzen dituela: «10 milioi euro inguru biltzen ditu Espainiako Ogasunak, urtean, zergetan». Era berean, lanaldia erdira ez murrizteko eskatu dute.