Emmanuel Macron Frantziako presidentea ez da izan gaur Miarritzen G7koen bilera prestatzeko bileran, baina horrek ez ditu istiluak eragotzi. Protesta egitera joan dira G7 Ez plataformako kideak, eta, Poliziak herriko etxearen ingurua itxi badu ere, manifestariek aurrera egin dute, eta Frantziako Poliziak haien aurka egin du. Ekhi Erremundegi BERRIAko kazetariak zuzenean eman du gertatukoaren berri.
#G7 Alde guzietatik blokeatzen dituzte jendarmeek. "Ez da manifestazio baimenik gaur. Ez da eskubiderik eskatua izan" @berria@IEHkohitzapic.twitter.com/aKzy7I1exR
— Ekhi Erremundegi (@EkhiErremundegi) 2018(e)ko abenduaren 18(a)
Jean Yvres Le Drian Europako eta Kanpo Aferetako ministroak ordezkatu du Macron gaurko bileran. Protestak eta tentsioa eragin ditu, dena den, etorrera horrek ere. 12:30ean Clemenceau plazan elkartzeko deia egin zuten G7 Ez plataformako kideek, baina Miarritze erdigune guztia poliziek itxita zegoen gaur goizetik.
Militanteak itzulika aritu dira nondik hurbil zitezkeen ikusteko, eta azkenean, aurrera egin dute. Clemenceau plazara hurbildu direnean, hesi bat zuten parean, eta poliziak ere bai. Tentsio une batzuen ondoren, plazara sartzea lortu dute, baina poliziak oldartu egin zaizkie segidan. Clemenceau plazan protesta egin ondoren, hondartza aldean ere izan dira istiluak. Gomazko pilotekin aritu da Polizia, eta zaurituak ere eragin ditu.
#G7 Clemenceau @berria@IEHkohitzapic.twitter.com/zvE1ZyMdZ3
— Ekhi Erremundegi (@EkhiErremundegi) 2018(e)ko abenduaren 18(a)
#G7 Tentsio handia Miarritzen @berria@IEHkohitzapic.twitter.com/1G5u5U0w4K
— Ekhi Erremundegi (@EkhiErremundegi) 2018(e)ko abenduaren 18(a)
#G7 "Ez nintzen manifestazioan, lasaitzeko galdetu diet eta aurpegia txikitu didate" @berria@IEHkohitzapic.twitter.com/jg6PnaHoFR
— Ekhi Erremundegi (@EkhiErremundegi) 2018(e)ko abenduaren 18(a)
30 bat eragile biltzen ditu elkarretaratzera deitu duen plataformak, eta Bizi mugimenduak ere Macron persona non grata izendatzera deitua zuen. Moblizazioan zen Mattin Ihidope Biziko kidea ere: "Jin gara adieraztera gobernamendu horrek ez duela ezer egiten klimaren alde, eta aberatsen etekinak beti atxikitzeko eta mantentzeko ari dela, eta salatzera G7 ez dugula hemen nahi, Miarritzen", adierazi du Ihidopek: "Ez dugula onartzen gobernantza modu gisa, aberatsek aberatsenendako erabakitzen baitute".
#G7 Mattin Ihidope @bizimugi-ko kidea @berria@IEHkohitzapic.twitter.com/apDt52J9YA
— Ekhi Erremundegi (@EkhiErremundegi) 2018(e)ko abenduaren 18(a)
"Setio egoera" salatu du Aitzinaren bozeramaile Aitor Servierrek ere: "Hastapen batean Macron etortzekoa zen, baina bere ministro bat igorri du aurpegia ematera. Agerikoa da Macronek zilegitasun krisia bizi duela, eta Euskal Herriko mobilizazioari beldur ziola. Ikusi dugu nolako setio egoera gertatu den; hiria poliziek harturik, manifestariak manifestatzeko eskubiderik gabe, sekulako oldarraldiekin. Gaur egin dezakegun galdera da zer gertatuko den agorrilean".
#G7 Aitor Servier @Aitzinagazte-ko bozeramailea @berria@IEHkohitzapic.twitter.com/c7Gi2Gze76
— Ekhi Erremundegi (@EkhiErremundegi) 2018(e)ko abenduaren 18(a)
Sindikatuen eta Jaka Horien deialdiak ere espero ziren. Jaka horidunak ere aritu dira gaur protestan.
