PISAren emaitza abenduaren 3an kaleratuko dute

Hezkuntzako ebaluazio orokorturik hedatuenak aurten emango ditu datu berriak: PISA azterketaren emaitzak abenduaren 3an argitaratuko ditu OCDE Ekonomia Lankidetza eta Garapenerako Erakundeak. Hezkuntzaren egoerari buruzko gogoeta ugari sortu ohi ditu PISAk. Hala gertatu zen orain hiru urte: inoizko emaitzarik txarrenak izan zituzten Arabako, Bizkaiko eta Gipuzkoako ikasleek zientzian eta matematikan, eta zeresana jarri zuen horrek. Azken proban arlo hauek aztertu dituzte: irakurmena, matematika, zientzia, gaitasun orokorra eta finantza arloko gaitasuna.