Peio Alcantarilla preso ohia atxilotu dute Fijaiten neurriak urratzea leporatuta

HENDAIA. Peio Alcantarilla euskal preso ohia atxilotu zuen atzo Frantziako Poliziak, Fijait arau hauste terroristen egileen fitxategi judizial automatizatua urratzeagatik. Santiago zubian atxilotu zuten, lanetik bueltan zetorrela —Hego Euskal Herrian egiten du lan, eta Urruñan (Lapurdi) bizi da—. Atxiloketa salatu dute EH Baik eta EH Bilduk.