Paxkal Indo izanen da Euskal Herriko Garapen Kontseiluko presidente berria

BAIONA. 42 botoetatik 29 jasota, Paxkal Indo izanen da Euskal Herriko Garapen Kontseiluko presidente berria. Gaur egin dute bozketa, Baionan, Caroline Phillipsek martxoan dimisioa eman ondotik arduradun berria hautatzeko. Beste hautagai Xabi Harispek hamabi boto bildu ditu, eta boto bat baliogabea izan da. Bihar aurkeztuko dute Indo, prentsaurreko batean, Baionan. Urteetan Garapen Kontseiluko presidenteordea izan da, eta aurki utziko dio Seaskako buru izateari.