Pello Otxandiano EH Bilduko Eusko Legebiltzarreko oposizioburuak uste du abagune egokia dela herri gisa jauzi bat egiteko, eta indar harremanak baliatzeko deia egin du jauzi horretarako. ETB1en egindako elkarrizketa batean eman ditu azalpenak.
Estatutu berriaren eztabaida irekita dago, eta abagune hori izan du hizpide Otxandianok: «Bi alderdi abertzaleak berdinduta daude Eusko Legebiltzarraren ordezkaritzan, eta egoera horrek aro berri bat ekarri beharko luke, eta isla izan, batez ere herri honen prozesu subiranistan».
Ez du ahazteko erabakitzeko eskubideari buruz sarritan eztabaidatu izan dela, baina abertzaleen aldeko indar harremana «aldekoa izanda» hura baliatu beharra azpimarratu du. «Lehen aldia da Espainiako Gobernuak eta presidenteak esaten dutena estatuko plurinazionalitateari buruz eztabaidatu behar dela, eta horrek isla izan behar duela juridikoki eta politikoki. Gehiengo abertzalea baliatu behar dugu jauzi bat emateko».
