Maite Aristegik adierazi duenez, "18/98 epaiketa zein haren atzetik etor daitezkeenak bertan behera uzti beharko lirateke". Horrela, beraz, iazko otsailena egin zuten manifestazioan bezalaxe "berriro ere" antolatzeko beharra dagoela esan du 18/98 + plataformako kideak.
Mariano Ferrer kazetaria ere 18/98 + plataformako kidea da eta bere hitzetan epaiketa "disparate" bat da. Kazetariaren arabera hamaika arrazoi dago otsailaren 18ko manifestaziora joateko, honakoak aipatu ditu, besteak beste: epaiketak ez du betetzen prozesuak eskatzen duen gutxieneko seriotasuna, frogarik gabeko aurre-kondenak legitimatzen ditu, interesen araberako interpretazioetan oinarrituta dago...Mariano Ferrerrek adierazi duenez, "epaiketa jardunbide juridikoaren kontrako atentatua da".
'18/98 auzia'
Otsailaren 18an manifestazioa egingo du Bilbon 18/98 + plataformak
Datorren otsailaren 18an manifestazioa egingo du, Bilbon, 18/98 + plataformak. Maite Aristegi plataformako kideak azaldu duenez, "defenditu egin behar ditugu auzipetuen eta gure eskubide zibil eta politikoak". Hori dela eta, "Bilboko kaleak jendez eta duintasunez" bete behar direla azpimarratu du Aristegik.
Iruzkinak
Ez dago iruzkinik
Ordenatu
