Organo emaileen kopuruak behera egin du

BILBO. Alcer giltzurrunetako eritasunen bat duten herritarren Bizkaiko elkarteak gaitzetsi du pandemia garaian giltzurrunak eta, oro har, organoak emateko prest diren herritarren kopurua lau aldiz apalagoa izan dela. Aurreko urteetan, 200 bat herritarrek osatzen zuten elkartearen emaileen zerrenda; 2020an, 50 balizko emaile zenbatu dituzte. Hala, elkarteak azpimarratu du sentsibilizazio kanpainak «ezinbestekoak» direla, «gero eta organo gehiago behar» direlako. Herritarrei emaile izateko dei egin diete.