Eusko Legebiltzarrerako atzoko hauteskundeetan, begirada asko Ordizian (Gipuzkoa) egon ziren jarrita, aurreko astean han koronabirusaren agerraldia pairatu zutelako. Bozketarako, segurtasun neurri bereziak jarri zituen udalak, kutsatzeak eragozteko, eta Adur Ezenarro alkatea (EH) horretan laguntzen aritu zen, hauteskunde mahaietan zeuden herritarrei tenperatura hartzen, kontakturik gabeko termometro batekin. Espainiako hedabide askok kazetariak bidali zituzten Ordiziara, eta horietako batek alkatearen lanaren irudi bat hartu zuen, eta sare sozialetan zabaldu. Irudi horretan, Ezenarro ageri da, termometroa erabiliz herritar bati kopetako tenperatura neurtzen.
Madrilgo hedabide batek mezua zabaldu zuen Twitterren irudiarekin, eta Toni Canto Ciudadanos alderdiko Espainiako Kongresuko diputatuak erantzun egin zion txioari honako mezu honekin: «Normaltasun berria. Orain ez dute garondora apuntatzen».
Nueva normalidad.
— Toni Cantó ð;Â;ŸÂ–¤ð;Â;ŸÂ‡ªð;Â;ŸÂ‡¸ (@Tonicanto1) July 12, 2020
Ya no apuntan a la nuca. https://t.co/yMUoVfDfjN
Monica Oltra diputatuak (Compromis) Cantoren mezua gaitzetsi zuen. «Benetan uste nuen txioa faltsua zela, ezin nuelako sinetsi. Ez dut hitzik. Zelako gizatasun mota du txio horrek? Sekulako tristezia! Eta etsipen are handiagoa». Canto bezala, Valentziakoa (Herrialde Katalanak) da Oltra.
Sinceramente pensaba que el tuit era un fake porque no me lo podÃa creer. No tengo palabras. Qué naturaleza humana revela este tuit? Tristeza enorme! Y más decepción todavÃa, si cabe. ð;Â;ŸÂ˜Â”
— Mónica Oltra Jarque (@monicaoltra) July 13, 2020
Ez da, ordea, Cantoren lehena. Politikariak sortu du harrabotsa, lehen ere, Twitterren. 2013. urtean, barre egin zion Mariano Rajoy Espainiako presidenteari, haren hitz egiteko moduarengatik. Bere alderdiko Rosa Diezek ere txarretsi zion txioa, eta, azkenean, barkamena eskatu zuen diputatuak.
No queríaish comparecencia? Puesh osh la voy a poner el día uno d agoshto,a ver como osh lo montáish con vuestrash familiash #GraciasMariano
— Toni Cantó ð;Â;ŸÂ–¤ð;Â;ŸÂ‡ªð;Â;ŸÂ‡¸ (@Tonicanto1) July 23, 2013
Y siento la imitación de antes...la verdad es que no procedía.
— Toni Cantó ð;Â;ŸÂ–¤ð;Â;ŸÂ‡ªð;Â;ŸÂ‡¸ (@Tonicanto1) July 23, 2013
EH Bilduk 230 boto gehiago eskuratu zituen Ordizian atzoko bozetan, aurreko Eusko Legebiltzarrerako hauteskundeekin parekatuta: 1.747 boto, denera. Cantoren alderdia PPrekin koalizioan aurkeztu zen bozetara, baina elkartzeak ez die botoak gehitzea ekarri. Izan ere, 2016an, bananduta aurkeztu arren, PPk eta Ciudadanosek 129.284 boto eskuratu zituzten. Baina, atzo, 100.000 botoren langatik oso behera geratu zen koalizioa; botoen %6,7 eskuratu zituen, eta bost eserlekurekin geratu da, Gipuzkoan bakarra irabazita.