Ongietorria egin diete Bilboko hiru preso ohiri

BILBO. Berriki espetxetik irtendako Maku Basabek, Dabid Lizarraldek eta Gabi Saezek haien lagun eta bizilagunen ongietorria jaso zuten Bilbon. Saezek, hiruren izenean, Euskal Preso Politikoen Kolektiboaren aldeko aldarria zabaltzeko deia egin zuen. Ondoren, Errondabide ostatuan afaria egin zuten, eta 7Katu gaztetxean jai bat antolatu zuten.