ONGIETORRIA ATEZ ATEKO BILKETARI

Astelehenean hasiko dira Antzuolan (Gipuzkoa) hondakinak atez atez biltzen. Debagoiena eskualdean bilketa sistema hori ezartzen duen lehen herria da. Baina Debagoieneko Mankomunitateak eskualdeko herri guztietan jartzeko konpromisoa hartua du. Atez atekoari ongietorria egiteko,festa egin zuten atzo Antzuolan. Hasteko, Txan mangoaren emanaldia izan zen, eta ondoren, birziklatutako gauzekin egindako eskulanen erakusketa eta bertso poteoa.