OLASO DORREA, JAKIUNDEREN ETXE

Jakiunde Zientzia, Arte eta Letren Akademiak Bergarako (Gipuzkoa) Olaso Dorrean hartu du etxe. XVI. mende hasierako eraikina da. Han agertu dira, jendaurrean, Jakiundeko presidente Jesus M. Ugalde, ohorezko presidente Pedro Miguel Etxenike, Olaso Dorrea Fundazioko presidente Jose Luis Elkoro eta Kutxako Gizarte Ekintzako zuzendari Carlos Ruiz. Olaso Dorrea Fundazioarena da eraikina, eta hantxe du erakunde horrek ere bere egoitza nagusia.