Bi hilabete pasatxo falta dira Herri Urratserako: maiatzaren 12an egingo dute Ipar Euskal Herriko ikastolen aldeko jaia. Gaur, Herri Urratsentzat Neomak taldeak egindako abestia eta bideoklipa aurkeztu dituzte. Hor gaude izena du abestiak, eta Nerea Ibarzabalena da letra.
Neomak taldea izan zen iazko Herri Urratseko kontzertuetan parte hartu zutenetako bat, baina emanaldia behin baino gehiagotan eten behar izan zuten, euri jasa handia zela eta. Orduan pentsatu zuten haiei proposatzea aurtengo kantua egiteko lana.
Urtero legez, aurten ere milaka euskaltzale elkartuko dira Senpereko lakuaren (Lapurdi) bueltan. Bertan bilduko duten dirua Beskoitzeko (Lapurdi) ikastola berria eraikitzeko izango da.
