BURLATA. «Ezin dugu babestu haien ibilbidea ETAren kausaren aldekotasunez markatua duten pailazo batzuk kontratatzea, eta zeinaren parte diren terrorismoa kondenatzen ez duten pertsonak». Horixe adierazi du Burlatako Navarra Sumak Pirritx, Porrotx eta Marimototsek herrian egitekoa duten ekitaldi baten aurka jotzeko.
Burlatako Kultura eta Jaietako Patronatuak (Nafarroa) proposatua du pailazoen emanaldi bat antolatzea, baina Navarra Sumako alkatea da patronatuko burua, eta erabakiaren aurka egin du —aurka bozkatu duen bakarra izan da—. Haren arabera, pailazoen ekitaldia «inposatzen» ari dira, «gobernu taldearen irizpidearen kontra».
Koalizioak zehaztu du umeentzako euskarazko jarduerak egitearen alde dagoela: «Gure asmoa da eskaintza hedatzea, baina ezin ditugu diru publikoarekin babestu ibilbidea ETAren kausarekin elkar aditzean markatua duten pailazo batzuk». Gaineratu du Pirritx, Porrotx eta Marimototsek «gizarteko babesgabeenak politikoki erabiltzen» dituztela: hots, haurrak.
Navarra Sumak ez ditu nahi Pirritx, Porrotx eta Marimotots
Burlatako Kultura eta Jaietarako Patronatuaren aurka jo du koalizio eskuindarrak, pailazoak ETArekin lotuta
Iruzkinak
Ez dago iruzkinik
Ordenatu
