Nafarroako urrezko domina, Etxenikeri

Pedro Miguel Etxenike fisikariak jaso zuen atzo Nafarroako Urrezko Domina. «Nafar, euskal herritar eta euskaldun» gisa definitu zuen bere burua zientzialari izabarrak, eta zientziak gizartean duen garrantzia nabarmendu zuen. Ekitaldiaren ostean, LAB sindikatuak protesta egin zuen jaiegunetan saltokiak zabaltzea baimentzen duen legearen kontra: Uxue Barkos lehendakariarengana joan zen sindikatuko ordezkarietako bat, Antso Itxiera erregearen mozorroa jantzita, eta «jaiegunak denontzat izan daitezela» eskatu zion.