Nafarroako argazkilariek salatu dute 'mozal legea' ezarri diotela euretako bati

IRUÑEA. Nafarroako Albistari Grafikoen Elkarteak salatu du Ahotsa.info agerkariko Iñigo Orduña kazetari eta kamerariari 960 euroko isuna jarri diotela, mozal legea ezartzearen ondorioz. Rozalejoren jauregia hustu ondoren Iruñean izandako istiluen berri ematen ari zen Orduña Espainiako Poliziak identifikatu zuenean. Elkarteak salatu du mozal legea izenekoak «eskubideak murrizteko» balio duela.