Mutil bat behin-behinean espetxeratu dute, Basaurin (Bizkaia) urtarrilaren 31n izandako sutea sortu izana leporatuta. Basauriko Kareaga Goikoa kalean hartu zuen su eraikin batek, eta, garretatik ihes egiteko, pertsona batek jauzi egin zuen eraikinetik; hil egin zen.
Eusko Jaurlaritzako Segurtasun Sailak aditzera eman duenez, Ertzaintzak atzo atxilotu zuen 23 urteko mutil bat, sute hori sortu izana egotzita. Aurrekariak ditu, eta urriaren 7an eta abenduaren 31n Basauriko eremu berean suteak eragitea ere leporatzen diote; haietan ez zen inor zauritu.
Epaileak atxilotua behin-behinean espetxeratzeko agindua eman zuen atzo.
